14-მა უცხოელმა ინვესტორმა, პროტესტის ნიშნად, დავით აღმაშენებლის განახლებულ გამზირზე ბარები და კაფეები დახურა.
„რუსთავი 2“-ის ინფორმაციით, მეპატრონეებმა გადაწყვეტილება მას შემდეგ მიიღეს, რაც თბილისის მერიამ მათ საფეხმავლო ქუჩაზე ღია ტერასების დემონტაჟი მოსთხოვა და 10 000 ლარიანი ჯარიმით დაემუქრა.
მათივე თქმით, მერიის გადაწყვეტილება მათთვის გაუგებარია, რადგან საფეხმავლო ქუჩაზე ღია კეფეების სტუმრები უცხოელი ტურისტები არიან, დღეს დილიდან კი ახალ ტიფლისში მისულ ტურისტების თითქმის ყველა ობიექტი დახურული დახვდათ.
აღმაშენებლის გამზირზე პროტესტის ნიშნად, სულ 16 კაფე-ბარი დაიხურა, აქედან 14 ბარის მეპატრონე უცხოელი ინვესტორია.