ქართველმა ჩოგბურთელმა მარიამ დალაქიშვილმა საერთაშორისო ტურნირ Copernicus Bowl-ში გაიმარჯვა.
პოლონეთში გამართულ 18-წლამდე ჩოგბურთელთა შეჯიბრის ფინალში დალაქიშვილმა ფრანგი მილენ ჰალემაი ორ სეტში, 6-1, 6-2 დაამარცხა.
ფინალამდე კი 15 წლის ქართველმა ჩოგბურთელმა სერბ, თურქ, სლოვაკ და ბერძენ მეტოქეებს მოუგო. მარიამ დალაქიშვილი საქართველოში დღეს დილით დაბრუნდა. ორ კვირაში დალაქიშვილი ეგვიპტეში გაემგზავრება და კიდევ ერთ საერთაშორისო ტურნირზე გამოვა.