დეველოპერული კომპანია „m2 - უძრავი ქონების“ ფასიანი ქაღალდები ერთ-ერთ ყველაზე მოთხოვნად ფინანსურ პროდუქტად რჩება.
კომპანიის ობლიგაციები საფინდო ბირჟის სავაჭრო სესიებზე აქტიურად ივაჭრება. 10 თებერვლიდან 51 გარიგებაა დადებული, 7217 ობლიგაციაზე. გარიგებების სრული ღირებულება 7.5 მლნ დოლარს აღემატება. 1000 დოლარის ნომინალის ქაღალდებზე მინიმალური ფასი 1017.6 დოლარი ფიქსირდება, მაქსიმალური 1070.37 დოლარს აღწევს.
10 გარიგებაა დადებული ე.წ "ფიქსინგით" - 607 ობლიგაციით ივაჭრეს, ღირებულებამ 629 ათას გადააჭარბა.
m2 - უძრავი ქონებას 25 000 ერთეული, 1000 დოლარიანი ობლიგაცია აქვს გამოშვებული. 3 წლიანი ობლიგაციები უპრეცედენტოდ დაბალი სარგებლით, 7,5%-ით არის გამოშვებული, რაც კომპანიის მიმართ მაღალ ნდობაზე მოუთითებს.