საქართველოს განათლებისა და მეცნიერების მინისტრის, ალექსანდრე ჯეჯელავას განცხადებით, მისი უწყება სკოლებში დამწყები პედაგოგების დასაქმების პროგრამაზე მუშაობს. აღნიშნულის შესახებ ჯეჯელავამ დღეს გამართულ პრესკონფერენციაზე ისაუბრა.
მინისტრის განმარტებით, ამ გეგმის მიხედვით განსაკუთრებით ყურადღება სოფლის სკოლებზე გამახვილდება.
"ვმუშაობთ სკოლებში ახალბედა, დამწყები პედაგოგების შესვლის გეგმაზე, განსაკუთრებით სოფლის სკოლებში. თუ სოფლის სკოლას ჰქონდა მათემატიკაში 10 საათი, ჩვენ დავამატებთ დროს, რაც იმას ნიშნავს, რომ ახალბედა დამწყები პედაგოგები გამოცდილ პედაგოგებთან ერთად ჩაატარებენ გაკვეთილებს“,-აღნიშნა ჯეჯელავამ.