ტურიზმის სფეროში საქართველოს მიღწევებს უკრაინის ეკონომიკის მინისტრის მოადგილე ეცნობა. ტურიზმის სფეროს კურატორი მიხაილ ტიტარჩუკი საქართველოში უკრაინელ ჟურნალისტებთან ერთად იმყოფება. გაზრდილი სტატისტიკური მონაცემები და ვიზიტორების ნაკადი- ეკონომიკის მინისტრის მოადგილე იმ მიღწევებითა და შედეგებით არის დაინტერესებული, რასაც საქართველომ ტურიზმის სფეროში ბოლო წლებში მიაღწია. უკრაინელ კოლეგას მასპინძლობას ტურიზმის ეროვნული ადმინისტრაციის ხელმძღვანელი გიორგი ჩოგოვაძე უწევს. ვიზიტის ფარგლებში მიხაილ ტიტარჩუკი ბათუმსა და თბილისს დაათვალიერებს, უკრაინელი ჟურნალისტები კი საქართველოს ტურისტული პოტენციალის შესახებ მასალებს მოამზადებენ.
„უკრაინა გრძნობს ძმურ დახმარებას საქართველოსგან იმ კუთხით, რომ ვისწავლოთ თქვენგან, როგორ ვიმუშაოთ ტურიზმის სფეროში მაშინ, როდესაც საქართველოს მოსახლეობა არის 3 მილიონი და 500 000 დასაქმებულია ტურიზმის სფეროში, ტურისტების რაოდენობა კი 6-ჯერ არის გაზრდილი, ჩვენ ვიგებთ, თუ როგორ მოახერხეთ თქვენ იმავე პრობლემით, ოკუპაციის პირობებში, ამ სფეროს ამუშავება,“ - განაცხადა უკრაინის ეკონომიკის მინისტრის მოადგილემ, მიხაილ ტუტარენკომ.