ახალგორის ბაგა-ბაღებში ქართულენოვან ჯგუფებს აუქმებენ. არსებული ინფორმაციით, ბაგა-ბაღებში მხოლოდ რუსული და ოსურენოვანი ჯგუფები იმუშავებენ.
"სამხრეთ ოსეთის" ე.წ. განათლების მინისტრის მოადგილის ელისო გაგლოევას განცხადებით, მოსწავლეები ყველა საგანს რუსულ ენაზე ისწავლიან.
საქართველოს შერიგებისა და სამოქალაქო თანასწორობის საკითხები სახელმწიფო მინისტრის, ქეთევან ციხელაშვილის განცხადებით, ეს დისკრიმინაციაა. მისი თქმით, არც პედაგოგებმა და არც მოსწავლეებმა რუსული არ იციან.
მინისტრის ინფორმაციით, ქართული მხარე საკითხს ჟენევის მოლაპარაკების მორიგ რაუნდზე დააყენებს.
ცნობისთვის, ახალგორის სკოლებში ქართულ ენაზე სწავლებაც იკრძალება. აკრძალვები ძალაში ახალი სასწავლო წლიდან შედის.
