ბათუმში გარდაცვლილი 2 ახალგაზრდის ცხედარი პროზექტურიდან ოჯახებში გადაასვენეს.
არსებული ვერსიით, გარდაცვალების მიზეზი ნარკოტიკით ინტოქსიკაციაა, რომელსაც ოჯახის წევრები არ ეთანხმებიან. მათი ვარაუდით, ახალგაზრდები მოკლეს.
გუშინ, შინაგან საქმეთა სამინისტრომ გაავრცელა განცხადება, სადაც უწყება განმარტავდა, რომ პირველადი დათვალიერებით, ცხედრებს ძალადობის კვალი არ აღენიშნება.
შეგახსენებთ, გიორგი ხაჭაპურიძეს და ზვიად სალთხუციშვილს 4 დღის განმავლობაში ეძებდნენ. მათი ცხედრები ნაქირავებ ბინაში იპოვეს.
გიორგი ხაჭაპურიძემ გარდაცვალებამდე 3 თვით ადრე შსს-ს მასზე განხორციელებული შანტაჟის გამოძიების მოთხოვნით მიმართა. აღნიშნული ფაქტი უწყებამ "ჯი-ეიჩ-ენს" დაუდასტურა.