მთაწმინდის ფერდობზე ხანძრის ჩასაქრობად ვერტმფრენის გამოყენება ვერ მოხერხდება, რადგან ეს სარისკოა, - ამის შესახებ თბილისის მერმა დავით ნარმანიამ განაცხადა.
შსს-ს ინფორმაციით, მთაწმინდაზე გაჩენილი ხანძრის ლოკალიზაციის მიზნით ადგილზე მობილიზებულია 70-მდე მეხანძრე-მაშველი, ასევე, საკმარისი რაოდენობით წყლის ცისტერნა.
ცნობისთვის, ხანძარი მთაწმინდაზე „ეშმაკის ბორბალს“ უახლოვდება. ცეცხლი ძნელად მისადგომ ფერდობზე ბალახსა და ხეებს უკიდია.
როგორც დავით ნარმანიამ საზოგადოებრივ მაუწყებელს განუცხადა, ხანძრის გამო მოსახლეობას საფრთხე არ ემუქრება.