საქართველოს საგარეო საქმეთა მინისტრ მიხეილ ჯანელიძის განცხადებით, 2008 წლის აგვისტოში, ურთულესი დღეები გაიარა ყველა ქართველმა.
როგორც მან მუხათგვერდის ძმათა სასაფლაოზე აღნიშნა, საქართველოს მთავრობა და დიპლომატიური კორპუსი აკეთებს ყველაფერს იმისთვის, რომ შესაძლებელი გახდეს კონფლიქტის მშვიდობიანი დარეგულირება.
„ჩვენი გმირები შეეწირნენ საქართველოს ტერიტორიულ მთლიანობას, ჩვენი სამშობლოს დაცვას. საქართველოს მთავრობა და ჩვენი დიპლომატიური ქმედებები, ჩვენი დიპლომატიური კორპუსი აკეთებს ყველაფერს იმისთვის, რომ საერთაშორისო საზოგადოების მაქსიმალური ჩართულობის მობილიზებით შესაძლებელი გახდეს კონფლიქტის მშვიდობიანი დარეგულირება. ჩვენ გასულ წელს დიდი მხარდაჭერა გვქონდა საერთაშორისო საზოგადოებაში, ჩვენი პარტნიორების მხრიდან და ეს ადასტურებს, რომ საქართველოს სწორ გზაზე დგას და ჩვენ აუცილებლად შევძლებთ ჩვენი დიპლომატიური ქმედებებით სამართლიანობის აღდგენას“,- აღნიშნა მიხეილ ჯანელიძემ.
