კონკურს „თბილისში“ გამარჯვებამ კიდევ უფრო გამიღვიძა წერის სურვილი, - აცხადებს ლიტერატურისა და ხელოვნების კონკურს „თბილისის“ 2016 წლის ნომინაცია „ესეში“ გამარჯვებული ლიზი ბუდაღაშვილი. მისი შეფასებით, „თბილისი“ ობიექტური და კარგი კონკურსია.
„გამარჯვებამ კიდევ უფრო გამიღვიძა წერის სურვილი. მართალია, მანამდეც ვწერდი, დიდი ხანია ვწერ, მაგრამ მაინც წახალისება იყო სამომავლოდ შემოქმედებისათვის.ამასთანავე, დავრწმუნდი რამდენად გულუხვი და ხელგაშლილი კონკურსია. ძალიან კარგი საჩუქრები გადმომცეს.შარშან ფერწერის კატეგორიაშიც ვცადე ბედი თუმცა გამარჯვება ესემ მომიტანა. მე წინა წელსაც გავაგზავნე ესე, მართალია გამარჯვებული არ ვიყავი, მაგრამ ესეს კატეგორიაში ცოტანი ვმონაწილეობდით და ყველანი დაგვასაჩუქრეს. წელს დავამთავრე სკოლა და უკვე მოსწავლის რანგში აღარ, მაგრამ მაინც ვაპირებ მონაწილეობას, რამდენიმე სხვადასხვა კატეგორიაში. პროზასა და მხატვრობასთან ერთად მუსიკასაც ვწერ და ამაშიც ვცდი ბედს“,- აცხადებს ლიზი ბუდაღაშვილი.
ლიტერატურისა და ხელოვნების კონკურსი „თბილისი“ ,,თბილისობა -2017’’-ის ღონისძიებების ფარგლებში გაიმართება. ღონისძიების მხარდამჭერები არიან: ქ. თბილისი მერია, კულტურისა და ძეგლთა დაცვის სამინისტრო, მწერალთა კავშირი, საქართველოს ტექნიკური უნივერსიტეტი, სს "ფინკა ბანკი საქართველო", "თელიანი ველი", სადაზღევო კომპანია "ირაო".
