მთავრობის დღევანდელი სხდომის დასრულების შემდეგ, ექსპრეზიდენტ მიხეილ სააკაშვილისთვის უკრაინის მოქალაქეობის ჩამორთმევასთან დაკავშირებით, განცხადება გააკეთა ლტოლვილთა მინისტრმა სოზარ სუბარმა. მისი თქმით, დადგება დრო როდესაც ყველა დამნაშავე პასუხს აგებს.
"დარწმუნებული ვარ, უკრაინა კანონის შესაბამისად იმოქმედებს. მას ავტომატურად არ აღუდგება საქართველოს მოქალაქეობა. უცნაურია, როცა ერთი ქვეყნის პრეზიდენტი სხვა ქვეყანაში მიდის და იმ ქვეყნის მოქალაქეობას იღებს. ის გაკოტრებული
ფიგურაა, ეს უკვე უკრაინელმა ხალხმაც დაინახა. საერთაშორისო კანონმდებლობის მიხედვით არაერთი ადამიანი არსებობს, ვისაც არცერთი ქვეყნის მოქალაქეობა არ აქვს",- განაცხადა სოზარ სუბარმა.
საქართველოს ყოფილი პრეზიდენტის, მიხეილ სააკაშვილის ადვოკატები უკრაინის მოქალაქეობის ჩამორთმევის გადაწყვეტილების გასაჩივრებას აპირებენ.