წაღვერის ტყეში გაჩენილი ხანძარი ამ დროისთვის ლოკალიზებულია. სალიკვიდაციო სამუშაოებში ჩართულია 130 მეხანძრე ,რთულად მისადგომ ადგილებში მობილიზებულნი არიან ქვეითი მეხანძრე-მაშველების ბრიგადები და მეტყევეები.
დილიდან მუშაობა განაახლა შსს სასაზღვრო პოლიციის ვერტმფრენმა. ადგილზე ვარაუდობენ, რომ ცეცხლის სრული ლიკვიდაცია დღის ბოლომდე მოხდება. ჯერ უცნობია ზარალის ოდენობა. ლიკვიდაციის შემდეგ მეტყევეები ხეების აღრიცხვას ადგილზე დაიწყებენ და ზარალის მასშტაბებს განსაზღვრავენ.
არჯევანიძის ტყეში ხანძარი გუშინ შუადღისას გაჩნდა.