ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა 52% ცენტრალური მთავრობის საქმიანობას საშუალოდ აფასებს.
კერძოდ, კითხვაზე როგორ შეაფასებდით არსებული მთავრობის საქმიანობას, გამოკითხულთა - 1% პასუხობს ძალიან კარგად, 9% მთავრობის საქმიანობას კარგად აფასებს, 52%-ის შეფასება საშუალო, 23% მთავრობის საქმიანობას ცუდად აფასებს, ხოლო 12% ძალიან ცუდად.
NDI-მ და CRRC–საქართველომ დღეს მედიას საზოგადოებრივი აზრის კვლევის შედეგების პირველი ნაწილი წარუდგინეს.
კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგენლობითი შერჩევის საფუძველზე.
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.
