შეთანხმების გარეშე აშშ-ის კონგრესის მიერ მოსკოვის წინაააღმდეგ სანქციების გამკაცრებით, ბრიუსელი უკმაყოფილოა. “Financial Times”-ის ინფორმაციით, ევროპელი პოლიტიკოსების ნაწილი მიიჩნევს, რომ ამან შესაძლოა, ევროკავშირის ეკონომიკაზე უარყოფითი გავლენა მოახდინოს.
გამოცემის ცნობით, ევროკომისიის პრეზიდნეტმა, ჟან კლოდ იუნკერმა, სასწრაფოდ მოითხოვა საპასუხო ზომების შემუშავება, იმ შემთხვევისთვის, თუ ვაშინგტონის ანტირუსული სანქციები ევროპულ ენერგეტიკულ და სხვა კომპანიებს დააზარალებს.
გამოცემის მიერ მოპოვებულ დოკუმენტშია ნათქვამი, ერთ-ერთ ვარიანტად განიხილება აშშ-ის პრეზიდნეტისაგან დაპირების მოთხოვნა, რომელშიც ტრამპი დაადასტურებს, რომ ახალი შეზღუდვები ევროკავშირის ინტერესებს არ შეეხება. ასევე, განიხილება ევროკავშირის ტერიტორიაზე აშშ-ის სანქციების მოქმედების შეზღუდვის შესაძლებლობაც.
ბრიუსელში მიიჩნევენ, რომ ახალი სანქციების შემოღების შემთხვევაში, შესაძლოა, რუსული და ევროპული ენერგეტიკული კომპანიების საერთო პროექტების განხორციელება კითხვის ნიშნის ქვეშ დადგეს. პირველ რიგში საუბარია გაზსადენ „ჩრდილოეთის ნაკადი-2“-ზე.
აშშ-ის კონგრესის წევრები რუსეთის, ირანისა და ჩრდილოეთ კორეის წინააღმდეგ ახალი სანქციების დაწესებაზე 22 ივლისს შეთანხმდნენ. კონგრესმენებმა იმაზეც იზრუნვეს, რომ პრეზიდენტს არ ჰქონდეს საშუალება აღნიშნული სანქციები გააუქმოს. კანონპროექტი საქართველოს სუვერენიტეტის მხარდაჭერასაც გამოხატავს.
კანონპროექტის კენჭისყრა 25 ივლისს უნდა გაიმართოს.