ვანო მერაბიშვილის საქმეზე გვაქვს ახალი გარემოებები, აუცილებელია ეს საკითხი საგამოძიებო კომისიამ შეისწავლოს, - აცხადებს "ევროპული საქართველოს" წევრი ოთარ კახიძე. საკითხი დეპუტატმა ბიუროს დღევანდელ სხდომაზე დააყენა.
"გვაქვს ახალი გარემოებები. სასჯელაღსრულების სამინისტროს ყოფილი მაღალჩინოსანი ამხელს სამინისტროს თანამშრომლებს. ვინაიდან პროკურატურა არაფერს აკეთებს აუცილებელია ეს საკითხი საგამოძიებო კომისიამ შეისწავლოს", - აცხადებს ოთარ კახიძე.
სტრასბურგის სასამართლომ ვანო მერაბიშვილის საქმეზე გადაწყვეტილება 2016 წლის 14 ივნისს მიიღო. პროკურატურამ გამოძიება დაიწყო - საჯარო მოხელეთა მიერ სამსახურეობრივი უფლებამოსილების შესაძლო გადამეტების ფაქტზე. მთავრობამ სტრასბურგის სასამართლოს გადაწყვეტილება ერთი პუნქტის გამო გაასაჩივრა, რომლის მიხედვითაც, ვანო მერაბიშვილი საკნიდან სავარაუდოდ გაიყვანეს.