საქართველოს პრეზიდენტის საპარლამენტო მდივნის, ანა დოლიძის განცხადებით, პრეზიდენტმა ვეტო იმ კანონებს დაადო, რომელიც დემოკრატიის მდგომარეობას აუარესებს.
დოლიძის განმარტებით, პრეზიდენტის მოტივირებული შენიშვნები ძირითადად ორ საკითხს ეხება.
„ეს არის შვიდი თვითმმართველი ქალაქისათვის თვითმმართველობის სტატუსის ჩამორთმევა და მეორე საკითხი კი ეხება ცესკო-ში საარჩევნო კომისიის დაკომპლექტების წესის ცვლილებას, რომელიც უპირატესობას მმართველ პარტიას ანიჭებს.
ჩვენი აზრით, ორივე ცვლილებას ერთი მთავარი ხაზი გასდევს, ეს აუარესებს დემოკრატიის მდგომარეობას ქვეყანაში და წარმოადგენს უკან შემოტრიალებას თავად ოცნების მიღწევებს, რომელიც მან გასულ წელს განახორციელა. ჩვენთვის მნიშვნელოვანია, რომ ყველამ გაიაზროს ის ნეგატიური მნიშვნელობა, რომელიც ამ ცვლილებებს მოაქვს. ვეტოს არსი არის ის, რომ ეს ყველაფერი დასაბუთებით ავუხსნათ პარლა მენტის წევრებს და მივცეთ საშუალება კიდევ ერთხელ დაფიქრდნენ ამ ცვლილებებზე“,- განაცხადა ანა დოლიძემ.