ე.წ. ქართველთა მარშის წევრები საქართველოს პატრიარქს შეხვდნენ. სანდრო ბრეგაძის თქმით, განცხადებას მაშინ გააკეთებენ, როდესაც თანამებრძოლებთან ისაუბრებენ.
"ჩვენს განცხადებას გავაკეთებთ მას მერე, რაც თანამებრძოლებს დაველაპარაკებით", - ამბობს ბრეგაძე.
ლადო სადღობელაშვილის თქმით კი, კონტრაქცია მაინც გაიმართება, თუმცა, კონფრონტაცია თავიდან უნდა აიცილონ.
"ვითვალისწინებთ და გავითვალისწინებთ პატრიარქის სიტყვებს. აქციას ისე ვიზამთ, რომ მონაწილეობას ყველა მიიღებს, მაგრამ შევეცდებით, რომ კონფრონტაციის საკითხები არ იყოს განვითარებული", - ამბობს სადღობელაშვილი რუსთავი 2-თან საუბრისას.
საქართველოს საპატრიარქო "ქართული მარშის" და "ევროპული საქართველო-მოძრაობა თავისუფლებისათვის" ხელმძღვანელებს აქციისგან თავის შეკავებისკენ მოუწოდებს.