ბრიტანელმა მყვინთავებმა მეორე მსოფლიო ომის დროინდელ გერმანულ სატვირთო ხომალდზე 4 ტონა ოქრო იპოვეს. Daly mail - ის ინფორმაციით, ხომალდი ბრაზილიიდან გერმანიაში მიემართებოდა და 1939 წელს ისლანდიის სანაპიროებიდან 190 კილომეტრის მოშორებით ჩაიძირა.
ბრიტანული კომპანიის "Advanced Marine Services"-ის წევრების მიერ ნაპოვნი 100 მილიონი დოლარის ღირებულების ოქრო, შესაძლოა, ნაცისტებს ეკუთვნოდათ.
გამოცემის ცნობით, მყვინთავებს სურთ განძი დიდ ბრიტანეთში გადაიტანონ. ისლანდიის სანაპირო დაცვამ კი თავის მხრივ კომპანიის წევრები ისლანდიის ხელისუფლების შესაბამისი ნებართვის გარეშე ხომალდის ნაწილების ძებნაში დაადანაშაულა.
