,,ქართვლთა მარშის“ ერთ-ერთი ორგანიზატორი, დიასპორის საკითხებში სახელმწიფო მინისტრის ყოფილი მოადგილე სანდრო ბრეგაძე აცხადებს, რომ ,,ევროპული საქართველოს“ კონტრაქციაზე მათ აუცილებლად დაარბევენ. მისი თქმით, მიუხედავად მერიის გაფრთხილებისა კონტრაქციას მაინც გამართავენ.
"ჩვენ აუცილებლად გავმართავთ ამ აქციას და ხელისუფლება აუცილებლად მოაწყობს 7 ნოემბერს. აუცილებლად დაგვარბევენ, აუცილებლად დაგვაპატიმრებენ. ჩვენ მზად ვართ დაგვაპატიმრონ და დაგვარბიონ, რადგან ჩვენ ნაცჯალათებს არ გავატარებთ აღმაშენებლის გამზირზე", - თქვა ბრეგაძემ.
”ქართველთა მარშს” დედაქალაქის მერიამ მოუწოდა აქცია სხვა დროს, ან სხვა ადგილას გამართოს. ევროპული საქართველო ე.წ. ქართული მარშის საწინააღმდეგო აქციას "არა რუსულ ფაშიზმს" დღეს, 20:00 საათზე, აღმაშენებლის გამზირზე მართავს.
