პატრიოტთა ალიანსის“ წევრი, დეპუტატი ემზარ კვიციანი დღეისათვის დაგეგმილი აქციის მონაწილეებს მოუწოდებს აქციამ აშშ-ის საელჩოსთან გადაინაცვლოს. ,,ფეისბუქის“ საკუთარ გვერდზე კვიციანი წერს, რომ ხელისუფლება დაშინებული ჰყავს ამერიკის ელჩს.
,,ჟოკეი ყველამ ვიცით, ისიც ვიცით, რომ ხდება მათი მოსყიდვა, დაშინება, ან უბრალოდ შეთანხმება რათა მოწინააღმდეგის ძლიერი ცხენი მთელი სისწრაფით არ გაუშვას, შენი შედარებით სუსტი ცხენი კი გუშვას წინ , რომ პატრონმა და გულშემატკივარმა ვერ შენიშნოს რომ ჟოკეი (ცხენოსანი) გაყიდულია. ასეთი ვითარებაა დღევანდელ ქართულ პოლიტიკაში - ხელისუფლება დაშინებული ჰყავს ამერიკის ელჩს და უფლებას არ აძლევს შეეწინააღმდეგოს ბოკერიას და სააკაშვილის ბანდიტურ დაჯგუფებას, რომლებიც იბრძვიან საქართველოს საწინააღმდეგოდ პარტიზანულად, რაც უნდათ იმას მოგიგონებენ , რასაც უნდათ იმ მონტაჟს დადებენ ოღონდ მორალურად გაგანადგურონ. ამას ყველა ვერ უძლებს და ზოგი თავს იკლავს ზოგს გული უსკდება ინსულტი ემართება და ხელისუფლება ამაზე თავადაც ნერვიულობს, მაგრამ ვერაფერს ცვლის !
პოლიტპატიმრები და პოლიტდევნილები ვიკრიბებით დღეს 19:00 საათზე რათა შევახსენოთ სისხლისმსმელ ბოკერიას და თარგამაძეს , რომ არა გაქვთ უფლება საქართველოში მარშით იაროთ!
თქვენ ხართ ჯალათგამყიდველმოღალატეები!!!
ვისაც გინდათ სინდის-ნამუსის დაცვა საქართველოში შემოგვიერთდით!!! შემდეგ გადავინაცვლოთ ამერიკის საელჩოსთან!!! დიდება ღმერთს!!!“, - წერს დეპუტატი.
,,ქართველთა მარში“ 23 ივლისს ფაშიზმის საწინააღმდეგო აქციის კონტრაქციას გეგმავს. "არა რუსულ ფაშიზმს საქართველოში" - ამ სახელწოდების აქცია ევროპული საქართველოს თბილისის მერობის კანდიდატმა ელენე ხოშტარიამ რამდენიმე დღის წინ დააანონსა. მსვლელობა 23 ივლისს, 20:00-ზე გაიმართება. აქციის მონაწილეები აღმაშენებლის და თამარ მეფის ქუჩების კვეთაზე აპირებენ შეკრებას.
”ქართველთა მარშ ს” დედაქალაქის მერიამ მოუწოდა აქცია სხვა დროს ან სხვა ადგილას გამართოს, თუმცა, ერთ-ერთი ორგანიზატორის სანდრო ბრეგაძის განცხადებით, აქცია მაინც ჩატარდება.
”ჩვენ აუცილებლად გავმართავთ ამ აქციას და ხელისუფლება აუცილებლად მოაწყობს 7 ნოემბერს. აუცილებლად დაგვარბევენ, აუცილებლად დაგვაპატიმრებენ. ჩვენ მზად ვართ დაგვაპატიმრონ და დაგვარბიონ, რადგან ჩვენ ნაცჯალათებს არ გავატარებთ აღმაშენებლის გამზირზე”, - განაცხადა ბრეგაძემ.
