ცოტა ხნის წინ, გავრცელდა ინფორმაცია, რომ უზნაძის ქუჩაზე სასტიკად მოკლული გოგონას, ანა ხელაძის ბიძაშვილმა, მკვლელობაში ბრალდებულმა 22 წლის როლანდ ახალაიამ გლდანის მე-8 დაწესებულებაში თვითმკვლელობა სცადა. აღნიშნულ ფაქტს ”ჯი-ეიჩ-ენთან” საუბარში ბრალდებულის ადვოკატი, ოლგა გეჯაძე არ ადასტურებს.
”ეს ინფორმაცია რატომ გავრცელდა, არ ვიცი. ახალაიას გუშინ შევხვდი, ნორმალურად არის, შესაბამისად, ეს ინფორმაცია სიმართლეს არ შეესაბამება. რაც შეეხება საქმის დეტალებს, ამაზე მისი ინტერესებიდან გამომდინარე კომენტარს ვერ გავაკეთებ. ბრალდებულს არ სურს ეს, მე კი, უფლება არ მაქვს მის ინტერესებს გავცდე. ჯერ გამოძიება მიმდინარეობს, ბევრი რაღაც გაირკვევა. ამის შემდეგ ალბათ, თავადაც ექნება საუბრის სურვილი და ინფორმაციასაც მოგაწვდით,”- განუცხადა ”ჯი-ეიჩ-ენს” გეჯაძემ.
ანა ხელაძის ცხედარს ექსპერტიზა ჩაუტარდა, შედეგები დაახლოებით ერთ თვეში იქნება ცნობილი.
შეგახსენებთ, რომ 19 წლის ანა ხელაძე 16 ივლისს, უზნაძის ქუჩაზე მოკლეს. მკვლელობაში ბრალდებული რობერტ ახალაია სამართალდამცავებმა ფოთში დააკავეს.