ისლანდიის საიმიგრაციო დირექტორატმა საქართველო უსაფრთხო ქვეყნების სიაში შეიყვანა.
„საქართველოში ადამიანის უფლებების დამცველი საერთაშორისო ორგანიზაციები შეუფერხებლად მუშაობენ. აგრეთვე, ქვეყანა არის სამოქალაქო და პოლიტიკური უფლებების საერთაშორისო შეთანხმების წევრი და გაერთიანებული ერების ორგანიზაციის კონვენციის წევრი წამებისა და არაადამიანური ან დამამცირებელი მოპყრობის ან დასჯის წინააღმდეგ, სადაც დაცულია ადამიანის უფლებები“, - ნათქვამია საიმიგრაციო სამსახურის განცხადებაში.
ევროკავშირის წევრი ქვეყნების პარალელურად, ისლანდიაში ასეთი სტატუსი მხოლოდ 14 ქვეყანაზე ვრცელდება. აღნიშნული ქვეყნებია:ალბანეთი, ავსტრალია, კანადა, საქართველო, იაპონია, ლიხტენშტაინი, კოსოვო, მაკედონია, მონაკო, ახალი ზელანდია, ნორვეგია, სერბეთი, შვეიცარია და ამერიკის შეერთებული შტატები.