ამერიკის სახელმწიფო მდივანი არაბულ ქვეყნებს ყატარისთვის ბლოკადის მოხსნისკენ მოუწოდებს. საგანგებო განცხადება რექს ტილერსონმა ომანის საგარეო საქმეთა მინისტრთან შეხვედრის შემდეგ გააკეთა.
„ვიმედოვნებ, 4 არაბული ქვეყანა კეთილ ნებას გამოიჩენს და ყატარს სანქციებს მოუხსნის, რადგანაც ბლოკადით პირველ რიგში ყატარელი ხალხი ზარალდება,“-აღნიშნა ამერიკის პირველმა დიპლომატმა.
საუდის არაბეთმა, ეგვიპტემ, გაერთიანებულმა ემირატებმა და ბაჰრეინმა ერთი თვის წინ ყატარი ტერორიზმის მხარდაჭერაში დაადანაშაულეს და დოჰასთან დიპლომატიური კავშირი შეწყვიტეს, რასაც ეკონომიკური ბლოკადა მოჰყვა.
