,,ევროპული საქართველო’’ რეგიონებში მერობის კანდიდატების წარდგენას განაგრძობს. პარტიის ლიდერმა დავით ბაქრაძემ დღეს, ახალციხელებს მერობის კანდიდატი ვაჟა ჩიტაშვილი წარუდგინა. ბაქრაძემ მოსახლეობას "ევროპული საქართველოს" საარჩევნო პროგრამა გააცნო.
,,ევროპული საქართველოს" ინიციატივის თანახმად, თვითმმართველობის არჩევნებზე მოგებულ რაიონებში გაუქმდება ბიუროკრატიული ხარჯები, პრემია და დანამატები. ეს თანხა კი, პენსიის ზრდას მოხმარდება. ახალციხის შემთხვევაში, პენსიის მატებას პარტია 35 ლარით გეგმავს.
