პრეზიდენტის ვეტოს დასაძლევად, პარლამენტი პრეზიდენტს რიგგარეშე სხდომების მოწვევის მოთხოვნით მიმართავს. საკონსტიტუციო ცვლილებებზე გიორგი მარგველაშვილის მიერ ვეტოდადებულ კანონპროექტებზე სავარაუდოდ, 26 ივლისის რიგგარეშე სხდომაზე იმსჯელებენ.
პარლამენტში ბიუროს სხდომა 24 ივლისისთვის ჩაინიშნა, სადაც რიგგარეშე სხდომების მოწვევის მოთხოვნაზე იმსჯელებენ.
პარლამენტის საპროცედურო საკითხთა კომიტეტის თავმჯდომარე გიორგი კახიანმა გუშინ განაცხადა, რომ ვინაიდან, პრეზიდენტის ვეტო არდადეგებს დაემთხვა, რეგლამენტის გათვალისწინებით, შესაძლებლობა არსებობს, ვეტო საშემოდგომო სესიაზე განიხილონ ან რიგგარეშე სხდომა მოიწვიონ.
„უმრავლესობაში ამ საკითხზე კონსულტაციები იქნება, მაგრამ ვინაიდან ეს ისეთი კანონპროექტებია, რომლებიც თვითმართველობის არჩევნებს უკავშირდება. არ გამოვრიცხავ, რომ ეს მომდევნო კვირაში მოხდეს", - განაცხადა კახიანმა.
ცნობისათვის, პარლამენტი უფლებამოსილია, სხდომა პრეზიდენტის თანხმობის გარეშეც ჩაატაროს. უმრავლესობას ვეტოს დაძლევისთვის 76 დეპუტატის მობილიზაცია დასჭირდება
