„შორენა თეთრუაშვილს მხოლოდ ის შეუძლია, რომ ცილისწამებებით და ინტრიგებით ადამიანს ხელი შეუშალოს”, - ამის შესახებ ჟურნალისტებს ჭყონდიდელმა მიტორპოლიტმა მეუფე პეტრემ ე.წ. ციანიდის საქმეზე, მოწმის სახით დაკითხვის შემდეგ განუცხადა.
მისივე თქმით, საქართველოს საპატრიარქოში არსებული პირველხარისხოვანი პრობლემა არის შორენა თეთრუაშვილის ხელში არსებული ძალაუფლება.
„ჩემი სატელევიზიო ეთერებში გამოსვლებიდან გამომდინარე ჰქონდათ კითხვები და იგივე დავადასტურე, რომ საქართველოს საპატრიარქოში არსებული პირველხარისხოვანი პრობლემა არის ამ ქალბატონის ხელში არსებული ძალაუფლება.
შორენა თეთრუაშვილს მხოლოდ შეუძლია, ცილისწამებებით და ინტრიგებით ადამიანს ხელი შეუშალოს. მხოლოდ ეს შეუძლია მას - ცილისწამებები, ინტრიგები დახლართოს.
ვნახოთ რამდენად ახლოს იქნებიან, რამდენად სასამართლო მოინდომებს, რომ ქართველ ერს დაანახოს, რომ არსებობს დამოუკიდებელი, თავისუფალი სასამართლო, რომელიც ქვეყნის, ერის, სახელმწიფოს, უსაფრთხოების და სახელწიფო ძლიერების გარანტი. რა თქმა უნდა, ეს დამოკიდებულია მათ გადაწყვეტილებაზე. სასამართლოსთვის ძალიან დიდი გამოწვევაა „ციანიდის საქმე“, - განაცხადა მეუფე პეტრემ.