საქართველოს პრეზიდენტმა გიორგი მარგველაშვილმა თვითმმართველობის კოდექსსა და საარჩევნო კოდექსში ცვლილებებს ვეტო დაადო.
აღნიშნული გადაწყვეტილების შესახებ პრეზიდენტმა დღევანდელ ბრიფინგზე განაცხადა.
„როდესაც 7 ქალაქს ერთმევა თვითმმართველი ქალაქის სტატუსი ეს აკნინებს თვითმმართველობის გაღრმავებას და გაძლიერებას მთელს ქვეყანაში, არადა თვითმმართველობა არის ის რეალური ერთადერთი ეფექტური, დემოკრატიული მექანიზმი, რომელიც უზრუნველყოფს მთავრობის, ხელისუფლების ადგილობრივი ხელისუფლების ეფექტურ სამსახურს მთავარი შემკვეთის, ამომრჩევლის მიმართ და ამაზე ეფექტური მექანიზმი როგორ უნდა ემსახუროს სახელმწიფო საზოგადოებას არ არსებობს და ეს პროცესი უნდა გაღრმავებულიყო,“-აცხადებს მარგველაშვილი.
აღსანიშნავია, რომ ვეტოს დადების თხოვნით საქართველოს პრეზიდენტს ჯერ არასამთავრობო ორგანიზაციების ნაწილმა, შემდგომ კი ოპოზიციურმა პარტიებმა მიმართეს.
