აფგან მუხტარლის მეუღლე ინტერპოლის უფროსის პასუხისმგებლობის საკითხის დაყენებასაც ითხოვს. ლეილა მუსტაფაევა არასაკმარისად მიიჩნევს სასაზღვრო პოლიციის და კონტრდაზვერვის უფროსების თანამდებობებიდან გათავისუფლებას და სხვა პირების პასუხისმგებლობაზეც საუბრობს.
,,გამოძიებას გადავეცით მასალები, მათ შორის უცხო პირების ფოტოები, რომლებიც მუხტარლის უთვალთვალებდნენ და იმ საეჭვო პირისაც, რომელიც მუხტალის გატაცების შემდეგ ჩვრენ გვითვალთვალებდა, თუმცა გამოძიებას იდენტიფიცირება არ მოუხდენია და ძირეულად არ გამოუკვლევია საქმეში არაერთი საეჭვო გარემოება."- განმარტავს მუსტაფაევა.
სასაზღვრო პოლიციის უფროს დათო ნიკოლეიშვილისა და სუს-ის კონტრდაზვერვის უფროსის მიერ თანამდებობების დატოვების შესახებ განცხადება დღეს, შს მინისტრმა გიორგი მღებრიშვილმა ბრიფინგზე გააკეთა. დღესვე, მტავარმა პროკურატურამ გააკეთა განცხადება, რომ აფგან მუხტარლის საქმეს საქართველოს მთავარი პროკურატურა გამოიძიებს
