საპარლამენტო უმრავლესობის ლიდერის, ეკა ბესელიას განცხადებით, ოპიზიციასა და მმართველ გუნდს შორის საკონსტიტუციო ცვლილებებზე შეხვედრა, სავარაუდოდ, მომდევნო კვირაში შედგება.
მისივე თქმით, ყველაზე გონივრული იქნება, შეხვედრის წინაპირობა კონკრეტული დათქმა არ იყოს.
„შეხვედრის ფორმატი და მონაწილეთა რაოდენობა დამოკიდებული იქნება იმაზე, ოპოზიცია რა ფორმატში გადაწყვეტს შეხვედრას, ერთად თუ ცალცალკე.ველოდებით სწორედ ამ დეტალების დაზუსტებას. რაც შეეხება განსახილველ საკითხებს, ალბათ, ყველაზე გონივრული იქნება, ყოველგვარი ულტიმატუმების გარეშე შეხვედრის წინაპირობა იყოს ისეთი, რომ არ იყოს რაღაც კონკრეტული დათქმა და სასურველია, თუ იქნება საკითხთა ის წრე, რომლის განხილვაც მესამე მოსმენის ფარგლებში იქნება შესაძლებელი. ჩვენ ვერ ვსაუბრობთ ჩვენი მხრიდან კონკრეტულ შეთავაზებებზე. ჯერ ვსაუბრობთ, რომ შეხვედრა შედგეს იმისთვის, რათა დავინახოთ, რამდენად შესაძლებელია დარჩენილ ეტაპზე საკითხებთან დაკავშირებით პოზიციების დაახლოება",-განაცხადა ბესელიამ.
