ვერ ვხვდები, რას ეფუძნება მუხთარლის მეუღლის განცხადებები, რომ მას უთვალთვალებენ, - ამის შესახებ მთავარმა პროკურორმა ირაკლი შოთაძემ განაცხადა.
"მუხთარლის საქმეზე ჩატარებულია საკმაოდ მოცულობითი საგამოძიებო მოქმედებები. ვერ ვხვდები, რას ეფუძნება მისი მეუღლის განცხადებები, რომ მას უთვალთვალებენ. გამოძიება ყველა საჭირო მოქმედებას ჩაატარებს. ამ ეტაპზე გაგზავნილი გვაქვს სამართლებრივი დახმარების მოთხოვნა. ვცდილობთ, დავკითხოთ აზებაიჯანელი ადვოკატი" - განაცხადა ირაკლი შოთაძემ.
აფგან მუხტარლის მეუღლე ლეილა მუსტაფაევა ვარაუდობს, რომ მას და მის ოჯახს უსმენენ.
საქართველოში შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. საპარლამენტო უმცირესობა შინაგან საქმეთა მინისტრთან შეხვედრას და საგამოძიებო კომისიის შექმნას ითხოვს, უმრავლესობა კი, გამოძიების შედეგებს ელოდება.
