20 ივლისს, 19:00 საათზე სასტუმრო რუმსში (მ. კოსტავას ქ. 14, თბილისი), ახალი არასამთავრობო ორგანიზაციის - „აღმოსავლეთ ევროპის ცენტრის მრავალპარტიული დემოკრატიისთვის“ (EECMD-ის) პრეზენტაცია გაიმართება.
ღონისძიებას დაესწრებიან დიპლომატიური კორპუსის, საერთაშორისო ორგანიზაციების, საქართველოს პარლამენტის, პოლიტიკური პარტიების, არასამთავრობო სექტორის და მედიის წარმომადგენლები.
ორგანიზაციის მიზანი პოლიტიკური პარტიების განვითარების, პოლიტიკური სისტემის გაუმჯობესებისა და დემოკრატიული ტრადიციის გაძლიერებაა არამარტო საქართველოში, არამედ მთელს სამხრეთ კავკასიასა და უკრაინაში.
აღმოსავლეთ ევროპის ცენტრი მრავალპარტიული დემოკრატიისთვის გააგრძელებს ნიმდ-ის (ნიდერლანდების ინსტიტუტი მრავალპარტიული დემოკრატიისთვის) რეგიონული ფილიალის საქმიანობას.
რა თქმა უნდა, შენარჩუნდება არსებულ პარტნიორობა ნიმდ-ის ჰააგის ოფისთან და მჭიდრო, სტრატეგიული ურთიერთობით გაგრძელდება სამომავლო, ერთობლივი საქმიანობის განხორციელება რეგიონში.
