რუსული ენა სომხეთში სახელმწიფოს ენის სტატუსს ვერ მიიღებს. ამის შესახებ სომხეთის პარლამენტის საგარეო ურთიერთობათა კომისიის თავმჯდომარემ არმენ აშოტიანმა განაცხადა. მისივე თქმით, ამ საკითხის პარლამენტი არც განიხილავს. "რუსული დიდებული ენაა, მაგრამ მისთვის ოფიციალური სტატუსის მინიჭება დღის წესრიგში არ დგას", - განაცხადა აშოტიანმა. სომხეთს რუსული ენისთვის სახელმწიფო სტატუსის მინიჭება რუსეთის დუმის სპიკერმა ვიაჩესლავ ვოლოდინმა შესთავაზა.