გასულ კვირას მანჰეტენზე ამერიკაში მცხოვრები ქართველი ემიგრანტი მხატვრის ცირა ახობაძის პერსონალური გამოფენა გაიმართა. გამოფენის ორგანიზატორი არტპრომოუშენს კომპანია Madatart-ი იყო, რომელიც უკვე მეორე წელია აქტიურად არის დაკავებული ნიუ-იორკში ქართული ხელოვნების პოპულარიზაციით.
გამოფენა ჩელსის საგელერეო ნაწილში მდებარე Sepia Eye Gallery-ს სტუმარი იყო, სადაც Madatart-მა აკვარელში შესრულებული ორმოცამდე ნამუშევარი წარმოადგინა. გამოფენის გახსნა ქართული სათვისტომოს წარმომადგენელებთან ერთად Madatart-ის ამერიკელი მეგობრებიც ესწრებოდნენ და გახსნის საღამომ საკმაოდ წარმატებულად ჩაიარა. გაიყიდა რამოდენიმე ნამუშევარი.
Madatart-ის დამფუძნებელი მარიტა დამენია: ცირა ახობაძე თითქმის ცამეტი წელია ამერიკაში ცხოვრობს და ეს მისი პირველი პერსონალური გამოფენაა ნიუ იორკში, თუმცა ის მედეთარტის წევრი არტსიტია და აქტიურად არის ჩართული კომპანიის მიერ ორგანიზებულ გამოფენებსა და პროექტებში. 2016-2017 წლებში მხატვრის ნამუშევრები გამოფენილი იყო მედეთარტის მიერ ემანუელ ფრემინ გალერიში, ჯადით გალერიში და ნიუ იორკის არტექსპოზე. საქართველოში ცხოვრების პერიოდში მისი ნამუშევრების სხვდასხვა დროს იფინებოდა ქარვასლასა და ცისფერ გალერეაში. ცირა ძალიან ნიჭიერი ხელოვანი, არაჩვეულებრივად ფლობს აკვარელით ხატვის ტექნიკას, აქვს საუკეთესო გრაფიკა და ზეთის ნამუშევრები. ვცდილობთ ის დამთავრიელებელს მრავალმხრივად წარვუდგინოთ. გასულ გამოფენებზე გვქონდა მისი გრაფიკა. პერსონალურ გამოფენაზე აკვარელი, მომავალ გამოფენაზე(ემანუელ ფრემინ გალერი) კი გადაწყვეტილი აქვს, ზეთის საღებავებში შესრულებული ნამუშევრით წარსდგეს დამთვალიერებლის წინაშე. სხვათაშორის ამერიკელბს ეს ძალიან აოცებთ და აფასებენ როცა ხელოვანი თანაბარი სიძლიერით ფლობს, სხვადასხვა ტექნიკას.
-რას გვეტყვით თქვენს მომდევნო პროექტებზე?
- ჩვენს კომპანიას ბევრი საინტერესო და ქვეყნისთვის სასარგებლო პროექტი აქვს დაგეგმილი. რაც შეეხება ქართველი მხატვრების გამოფენებს. რა თქმა უნდა, გამოფენები გრძელდება Madatart-ის მომდევნო ჯგუფური გამოფენა სექტემბერში ჩელსიში მდებარე ემანუელ ფრემინ გალერიში გაიმართება, ჯგუფი ჯერ არ არის ბოლომდე შედგენილი, ამიტომ მსურველებს კიდევ შეუძლიათ შემოგვეხმიანონ ჩვენს ფეისბუქგვერდზე, ან მოგვწერონ dameniaart@gmail.com-ზე.
