ვარშავის ცენტრში მთავრობის წინააღმდეგ მასშტაბური მიტინგი გაიმართა. დემონსტრანტები სასამართლო სისტემაში დაგეგმილი ცვლილებების წინააღმდეგ გამოვიდნენ. აქტივისტები აცხადებენ, რომ მთავრობის მიერ ინიცირებული რეფორმა სასამართლოზე გავლენის გაძლიერებას ისახავს მიზნად. სკანდალური კანონპროექტის მიხედვით, საოლქო და სააპელაციო სასამართლოების თავმჯდომარეების დანიშვნის უფლებამოსილება იუსტიციის სამინისტროს მიენიჭება. საკანონმდებლო ცვლილებები უმაღლეს სასამართლოსაც შეეხება. იუსტიციის სამინისტროს პრეროგატივა იქნება ეროვნული სასამართლო საბჭოს ფორმირებაც, რომელიც საკონსტიტუციო ორგანოა და ქვეყანაში სასამართლო სისტემის დამოუკიდებლობას უზრუნველყოფს.