მაშინ, როდესაც თბილისში ოფიციალური ვიზიტით მყოფი უკრაინის პრეზიდენტი რუსეთის მთავარი ოცნების, ნოვოროსიის პროექტის დასამარების შესახებ საუბრობდა, დონეცკის სახალხო რესპუბლიკის ლიდერმა ახალი სახელმწიფოს, მალოროსიის შექმნის შესახებ გამოაცხადა. ალექსანდრ ზახარჩენკოს თქმით, უკრაინამ, როგორც სახელმწიფომ თავი უკვე ამუწურა და მის ნაცვლად ახალი სახელმწიფო შეიქმნება, რომლის შემადგენლობაშიც მხოლოდ ყირიმი არ შევა. ალექსანდრ ზახარჩენკოს განცხადებით, ახალი სახელმწიფოს დედაქალაქი დონეცკი იქნება, კიევს კი ისტორიული ძეგლის სტატუსი მიენიჭება.
„ჩვენ, ყოფილი უკრაინის წარმომადგენლები ვქმნით ახალ სახელმწიფოს, რომელიც უკრაინის მემკვიდრე იქნება. ახალ სახელმწიფოს ერქმევა მალოროსია. მისი დედაქალაქი დონეცკი იქნება. რეგიონები, რომლებიც ახალ სახელმწიფოში შემოვლენ, ფართო ავტონომიის სტატუსით ისარგებლებენ, ფედერალურ ბიუჯეტს, არმიას და უსაფრთხოების სამსახურს კი ცენტრალური ხელისუფლება გააკონტროლებს. შესაბამისი კონსტიტუცია უკვე მზადდება და მალე მას რეფერენდუმზე გავიტანთ. ახალი სახელმწიფო ენები იქნება მალოროსიული და რუსული. მალოროსიის საგარეო კურსი რუსეთსა და ბელარუსთან მეგობრობაზე იქნება ორიენტირებული,“-აღნიშნა ზახარჩენკომ.