რუსეთთან დაპირისპირება არ არის მხოლოდ 2008 წელს დაწყებული პროცესი, არამედ 90-იანი წლებიდან, როდესაც საქართველომ დამოუკიდებლობის და თავისუფალი არჩევანის მიმართულებით პირველი ნაბიჯები გადადგა, - ამის შესახებ საქართველოს პრეზიდენტმა გიორგი მარგველაშვილმა ამბასადორიალი 2017-ზე სიტყვით გამოსვლისას განაცხადა.
"თქვენ უპირისპირდებით მსოფლიოში ერთ-ერთ ყველაზე ძლიერ, გამოცდილ ძალას - რუსულ დიპლომატიას და ამ დაპირისპირებაში ხართ გამარჯვებულები. ოკუპირებული რეგიონების აღიარების გამოწვევამ რეალურად ქართული დიპლომატის მხრებზე გადაიარა. თქვენ ეს დაპირისპირება პირწმინდად მოიგეთ. ჩვენი უსაფრთხოების, დაცულობის, ტერიტორიული მთლიანობის და სუვერენიტეტის დიდი შემადგენელი ნაწილია ის, რასაც თქვენ აკეთებთ ასე წარმატებულად", - განაცხადა გიორგი მარგველაშვილმა.
პრეზიდენტმა პარტნიორ ქვეყნებს არაღიარების პოლიტიკის მხარდაჭერისთვის მადლობა გადაუხადა.