უკრაინის პრეზიდენტის საქართველოში ვიზიტის დროს პეტრო პოროშენკოს დელეგაციის შემადგენლობაში „ახალი საქართველოს“ ლიდერი გიორგი ვაშაძეც იქნება. ვაშაძე საზოგადოებრივთან აცხადებს, რომ ის პოროშენკოს მრჩეველია და სწორედ ამ სტატუსით იქნება წარმოდგენილი ოფიციალურ დელეგაციაში.
რაც შეეხება კითხვას, არის თუ არა დაგეგმილი უკრაინის პრეზიდენტთან შეხვედრების დროს, საქართველოში მიხეილ სააკაშვილის სავარაუდო ექსტრადირების საკითხი, ვაშაძე პასუხობს, რომ უკრაინული მხარე ამ საკითხის განხილვას არ აპირებს.
„არ მაქვს ინფორმაცია, ქართული მხარე რა საკითხის დასმას აპირებს, მაგრამ რაც შეეხება უკრაინულ მხარეს, მსგავსი საკითხის განხილვას არ აპირებს“, - განაცხადა გიორგი ვაშაძემ.
მისი თქმით, ძირითადად, ეკონომიკურ საკითხებზე გამართულ შეხვედრებში მიიღებს მონაწილეობას.