2017 წლის ბოლოსთვის ბრიტანული „ლოუკოსტერის“ EasyJet-ის გენერალური დირექტორი კეროლინ მაკკოლლი პოსტს დატოვებს. აღნიშნულის შესახებ ინფორმაციას Air Transport World-ი ავრცელებს. ცნობილია მაკკოლლის ახალი სამუშაო ადგილიც, ის ტელეკომპანია ITV-ში იწყებს მუშაობას.
EasyJet-მა მაკკოლლის შემცვლელის მოძიება უკვე დაიწყო.
კეროლინ მაკკოლლი „ლოუკოსტერს“ 2010 წლიდან ხელმძღვანელობდა. მისი დირექტორობის პერიოდში ავიაკომპანიას მგზავრთნაკადი მნიშვნელოვნად გაეზარდა.
EasyJet-ი ევროპულ ავიაკომპანიებს შორის, გადაყვანილი მგზავრების რაოდენობის მიხედვით, მეორე ადგილზეა. ავიაკომოპანია რეისებს 800 პუნქტის მიმართულებით ასრულებს და მისი ავიაპარკი 250 ერთეულ Airbus A319-სა და A320-ს აერთიანებს.