თარიღი    დრო

გიორგი გიორგანაშვილი (ბახალა) სამართალდამცავებმა დასაჯეს - ადვოკატი

საქართველო, თბილისი - 16:43 07.14.2017 577

თბილისის საქალაქო სასამართლომ ნარკოდანაშაულში ბრალდებული მსახიობი, გიორგი გიორგანაშვილი, იგივე ბახალა, წინასწარი პატიმრობიდან 20 000 ლარიანი გირაოს სანაცვლოდ დარბაზიდან გაათავისუფლა. გიორგი გიორგანაშვილი 5 თვის წინ დააკავეს. მას წარდგენილი ბრალი არცერთ ეტაპზე უღიარებია.  ის ამ დრომდე ამბობს, რომ ნარკოტიკული საშუალება სამართალდამცავებმა ჩაუდეს.

დღევანდელი სასამართლო პროცესის შემდეგ, გიორგანაშვილმა განაცხადა, რომ მის სანაცნობო-სამეგობრო წრეებთან დაკავშირებით არასწორი წარმოდგენის გამო  სამართალდამცავების მხრიდან მასზე ზეწოლა ხორციელდებოდა. აღნიშნულს ადასტურებს ”ჯი-ეიჩ-ენთან” საუბარში მსახიობის ადვოკატი, გიორგი მახარაძე.  

_ დღეს სასამართლომ აღკვეთის ღონისძიების შეცვლის თაბაზე ჩვენი შუამდგომლობა განიხილა. მოსამართლემ ჩვენი არგუმენტები სრულიად გაიზიარა. დავასაბუთეთ, რომ გიორგი გიორგანაშვილის პატიმრობაში დატოვების სამართლებრივი საფუძველი არ არსებობდა. ის 20 000 ლარიანი გირაოს სანაცვლოდ გათავისუფლდა.

__ სასამართლო პროცესზე ერთ-ერთი მთავარი მოწმე, ტაქსის მძღოლი დაიკითხა, რა განაცხადა მან?

_  მან სასამართლოს ძალიან საინტერესო ინფორმაცია მიაწოდა. გიორგი გიორგანაშვილი სწორედ მისი მანქანიდან გადმოსვლის დროს დააკავეს. ორივე მათგანი გაჩხრიკეს. მათი ჩხრეკა ერთდროულად მიმდინარეობდა. ეს ადამიანები ერთმანეთისგან ერთი მეტრის მოშორებით იდგნენ. სამართალდამცავებს გიორგანაშვილისგან რამე რომ ამოეღოთ, მძღოლი აუცილებლად დაინახავდა. ის ამბობს, რომ არ დაუნახავს სამართალდამცავებმა გიორგის ჯიბიდან რაიმე ნივთიერება ამოუღეს თუ არა.

 მძღოლმა დაადასტურა ისიც, რომ იმ მომენტში გიორგანაშვილისთვის მისი უფლებები არ განუმარტავთ. მან ასევე გაიხსენა, რომ გიორგის თან ჰქონდა ბარგი, რომლელიც საქმეში საერთოდ არ ჩანს. არადა, ის აუცილებლად უნდა გაეჩხრიკათ, რაც არ მომხდარა. ეს კი იმ ფაქტს ამყარებს, რომ გიორგანაშვილს ნარკოტიკული ნივთიერება ნამდვილად ჩაუდეს.

ტაქსის მძღოლის გარდა გამოძიება ორი პოლიციელის ჩვენების ანაბარა დარჩა. რამდენად გაიზიარებს სასამართლო მხოლოდ ორი პოლიციელის ჩვენებას და ამის საფუძველზე რამდენად გაუშვებს ადამიანს ციხეში, ეს უკვე მეორე საკითხია.

__ რას უკავშირებს გიორგი გიორგანაშვილი მის დაკავებას, რატომ, ან ვის დასჭირდა ეს?

_  სამართალდამცავები კონკრეტულ საქმეზე თანამშრომლობას სთხოვდნენ, რაზეც მან უარი განაცხადა. გიორგანაშვილმა იმ საქმის დეტალები არ იცოდა, შესაბამისად,  იმ საქმეზე, რომელის ირგვლივაც არაფერი იცოდა, ის გამოძიებასთან ვერ ითანამშრომლებდა, ტყუილს ვერ იტყოდა. ზუსტად ვიცით, რომ ის ამის გამო დაისაჯა.

__ დაკავებამდე რამდენი ხნით ადრე სთხოვდნენ მას სამართალდამცავები თანამშრომლობას?

_ ასე ზუსტად ვერ გეტყვით, დაკავებამდეც და დაკავების შემდეგაც იყო ეს. გიორგი ხვალ პრესკონფერენციას ჩაატარებს და ყველაფერზე დეტალურად იქ ისაუბრებს.

__ რა საქმესთან დაკავშირებით უნდა ეთანამშრომლა გიორგანაშვილს?

_ ამაზე ვერაფერს გეტყვით, თვითონ გიორგი გააკეთებს განმარტებებს.

__ ელოდით სასამართლო დარბაზიდან მის გათავისუფლებას?   

_ მე ველოდი, გიორგი კი არ ელოდა, ცოტა პესიმისტურად იყო განწყობილი. ჩვენ მართლა კარგი არგუმენები გვქონდა მოყვანილი. პროკურატურამ ვერცერთი არგუმენტი მოიყვანა, თუ რატომ უნდა დაეტოვებინათ ის პატიმრობაში.

გიოგრი გიორგანაშვილის შემდეგი სასამართლო სხდომა პირველ სექტემბერსაა ჩანიშნული.  

ესაუბრა ეკა ლემონჯავა, ”ჯი-ეიჩ-ენი”




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

13:39 გრანდიოზული საახალწლო საჩუქარი ზედაზენისგან - RC COLA - ს და RC Q უპრეცედენტო გათამაშება დაიწყო

17:31 ონლიაინ საკრედიტო სტარტაპი ID Finance-ი მომავალ წელს 100 მლნ დოლარის მოკრებას გეგმავს

16:28 “ელიტ ელექტრონიქსი“ მომხმარებელს უპრეცედენტო ფასდაკლების აქციას სთავაზობს

12:12 ხაშურში მომხდარ ავარიას ერთი ადამიანის სიცოცხლე ემსხვერპლა

10:23 „ელიტ ელექტრონიქსისში“ კონდიციონერებზე ფასდაკლება დაიწყო

16:32 კონსტიტუციიდან 94-ე მუხლის ამოღებას მხარს ვუჭერთ - სავალუტო ფონდის წარმომადგენელი

12:40 94-ე მუხლი არც ნორმალურია და არც მისაღები - ბიზნესმენი დევიდ ლი

14:35 ელიტ ელექტრონიქსი მაღაზიათა ქსელს აფართოებს



arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%