საქართველოში აშშ-ის ელჩი იან კელი დღეისათვის დაგეგმილ ,,ქართველთა მარშთან“ დაკავშირებით დეტალური კომენტარისგან თავს იკავებს და აცხადებს, რომ ეს ქვეყნის შიდა საკითხია. მისი თქმით, ზოგადად, საკითხი მის ქვეყანაშიც სენსიტიურია.
"მოსახლეობას უფლება აქვს მშვიდობიანად შეიკრიბოს და გამოხატოს საკუთარი აზრი, თუმცა ეს შიდა საკითხია და ამაზე დეტალურ კომენტარს ვერ გავაკეთებ. ზოგადად, საკითხი სენსიტიურია ჩემს ქვეყანაშიც“, - განაცხადა იან კელიმ, რომელიც საოკუპაციო ზოლთან ბერშუეთში ჩავიდა. მანამდე კი მცოცავი ოკუპაცია საქართველოს მოქალაქეებმა გააპროტესტეს.
