შორენა თეთრუაშვილის ჩვენებით დადასტურდა, რომ გიორგი მამალაძე უკვეთავდა სხვადასხვა ცილისმწამებლურ სტატიებს ირაკლი მამალაძეს და სხვა ჟურნალისტებს, - აცხადებს ე.წ. ციანიდის საქმის პროკურორი ზვიად გუბელაძე.
,,გიორგი მამალაძე უკვეთავდა სხვადასხვა ცილისმწამებლურ სტატიებს, რომელიც იყო უსაფუძვლო, დაუსაბუთებელი და მიზნად ისახავდა სასულიერო პირების დისკრედიტაციას. უკვეთავდა სხვადასხვა პირებს, მათ შორის იყო ირაკლი მამალაძე და ირაკლი მამალაძის გარდა იყვნენ სხვა ჟურნალისტები, რომლებიც ავრცელებდნენ ცილისმწამებლურ სტატიებს",- განაცხადა გუბელაძემ.
საქალაქო სასამართლოში ე.წ ციანიდს საქმეზე პატრიარქის მდივან-რეფერანტი შორენა თეთრუაშვილი დახურულ სხდომაზე დაიკითხა.
თეთრუაშვილმა საქალაქო სასამართლო უკომენტაროს დატოვა.