ოჯახის წევრები და სამართალდამცავები ამ დრომდე ეძებენ თბილისში დაკარგულ ტყუპ ძმებს, ნიკა და ლუკა ცანავებს. ისინი სახლიდან 12 ივლისს გავიდნენ. ამ დღის შემდეგ მათი ადგილსამყოფელი უცნობია.
”გუშინწინ, დახლოებით, 2 საათზე წავიდნენ სახლიდან და დაიბარეს, რომ გარეთ იქნებოდნენ. მათ მობილური ტელეფონი არ აქვთ. ერთს შორტი ეცვა, მეორეს ჯინსის შარვალი. თბილისის მასშტაბით ყველგან ვეძებთ. როგორც ჩვენთვის ცნობილია, ისინი ალექსანდროვის პარკში გამთენიისას მეეზოვემ ნახა. მისი აღწერა ტყუპების გარეგნობას ემთხვევა” - განუცხადა ”ჯი-ეიჩ-ენს” დაკარგულების ძმამ, თემურ ცანავამ.
მას უჭირს იმის ახსნა, თუ რატომ წავიდნენ მოზარდები სახლიდან, ან როგორ დაიკარგნენ.
”სახლში არანაირი კონფლიქტი გვქონია. შეიძლება სახლში მოსვლა დააგვიანდათ, ან ვიღაცას სადღაც გაჰყვნენ,” - აცხადებს თემურ ცანავა.
