ოთარ აბესაძის საქმის პროკურორის, ირაკლი მარშანიას განცხადებით, ბრალდებული ვიდეო და აუდიო ჩანაწერებში მერიის სხვა თანამშრომლებსაც ასახელებს.
როგორ პროკურორმა პროცესის დაწყებამდე აღნიშნა, ოთარ აბესაძე დანიშნულია მერიის მიერ და შესაბამისად, საჯარო სამსახურს ასრულებს.
"2017 წლის პირველ ივლისს გამოძიება დაიწყო ოთარ აბესაძის წინააღმდეგ. იგი დაპირდა მოქალაქეებს, რომ თანამდებობის გამოყენებით დაეხმარებოდა სარემონტო სამუშაოების ჩატარებაში მტკვარზე. მოცემულ საქმეზე არსებობს ვიდეო, აუდიო ჩანაწერები. ოთარ აბესაძე მერიის თანამშრომლების სახელებს იყენებს. რაც შეეხება კვალიფიკაციის შეცვლას, დაკავებულია სამოხელეო დანაშაულის მიზნებისათვის პიროვნება, რომელიც ასრულებს საჯარო საქმეს. ოთარ აბესაძე დანიშნულია მერიის მიერ, იღებს 3400 ლარს შესაბამისად ის საჯარო სამსახურს ასრულებს", - განაცხადა პროკურორმა ირაკლი მარშანიამ.