თარიღი    დრო

ოთარ აბესაძე ბრალს არ აღიარებს - ადვოკატი

საქართველო, თბილისი - 17:51 07.13.2017 546

ოთარ აბესაძეს ბრალი ოფიციალურად წარედგინა, თუმცა ის დუმილის უფლებას იყენებს და ბრალდებას არ აღიარებს. ამის შესახებ აბესაძის ადვოკატმა ლილი გელაშვილმა განაცხადა.

მისივე თქმით, ოთარ აბესაძე ფსიქოლოგიურად ცუდ მდგომარეობაშია. 

"ბრალდების კვალიფიკაცია ამ ეტაპზე არ შეცვლილა, ანუ ქრთამზე არის წარდგენილი. ჩემი დაცვის ქვეშ მყოფმა ამ ეტაპზე გამოიყენა დუმილის უფლება, რაც ნიშნავს რომ ის არ აღიარებს ამ ეტაპისთვის ბრალს. 

მტკიცებულებებზე და საქმის მასალებთან დაკავშირებით ვიმსჯელებთ მხოლოდ აღკვეთის ღონისძიებაზე. ამ ეტაპზე ჩვენი დაცვის ქვეშ მყოფის ინტერესებიდან გამომდინარე თავს ვიკავებთ შეფასებისგან. უბრალოდ შეგვიძლია მის პოზიციაზე გითხრათ, რომ ის იყენებს დუმილის უფლებას.

ახლა წარედგინა ბრალი, ამის შემდეგ ბრალდების მხარე შევა სასამართლოში შუამდგომლობით, როგორც ჩვენთვის ცნობილია, ამ ეტაპისთვის საპატიმრო ღონისძიების გამოყენებას მოითხოვს ბრალდების მხარე და დღეს თუ არა ხვალ მაინც იქნება აღკვეთის ღონისძიება", - განაცხადა ადვოკატმა. 




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 81.4%
შემცირდა 15.4%
არ შეცვლილა 3.2%