ფოთში, მეთევზეების აქციის ერთ-ერთმა მონაწილემ თვითდაზიანება მიიყენა. დაშავებული საავადმყოფოშია გადაყვანილი.
არსებული ინფორმაციით, აქციის მონაწილეებმა ამ წუთებში ფოთის ცენტრალური მაგისტრალი, გურიის ქუჩა გადაკეტეს.
ადგილზე მობილიზებულია პოლიცია, რომელიც გზის გახსნას ცდილობს, რასაც მეთევზეების მხრიდან წინააღმდეგობა მოჰყვა.
პარალელურად, კოლხეთის ეროვნული პარკის ადმინისტრაციულ შენობაში მეთევზეებს, გარემოს დაცვის სამინისტროსა და ადგილობრივი ხელისუფლების წარმომადგენლებს შორის შეხვედრა გრძელდება.
ცნობისთვის, მეთევზეები საკანონმდებლო ცვლილებებს და იმ შეზღუდვების გაუქმებას მოითხოვენ, რომლის თანახმადაც მათ პალიასტომის ტბაზე გადაადგილება და თავისუფალი თევზჭერა ეკრძალებათ.