ამბროლაურის მიმართულებით ფრენების სიხშირე გაიზარდა. აბროლაურის აეროპორტის ინფორმაციით, მზარდი მოთხოვნის გამო რეისები კვირაში 2 სიხშირის ნაცვლად, ამიერიდან 3 სიხშირით ხორციელდება.
ახალი განრიგის მიმართულებით ფრენები ყოველ ოთხშაბათს, პარასკევსა და კვირას განხორციელდება.
ბილეთის ფასი ერთი მიმართულებით ზრდასრულთათვის არის 50 ლარი, 12 წლამდე ბავშვებისთვის 35 ლარი, ხოლო ჩვილებისთვის - უფასო.
ბილეთის ფასში შედის სამარშრუტო ტაქსით მგზავრობა რუსთაველის მეტროდან ნატახტარის აეროდრომამდე და პირიქით.
ამბროლაურის მიმართულებით ავიარეისები ნატახტარის აეროდრომიდან ხორციელდება.
ნატახტარი-ამბროლაურის და ამბროლაური-ნატახტარის მიმართულებით ავიაბილეთების წინასწარ დაჯავშნა და შეძენა შესაძლებელია ტურისტულ კომპანია Vanilla Sky-ის ვებგვერდზე:http://www.vanillasky.ge/
