დეკანოზ მამალაძის ადვოკატის, მიხეილ რამიშვილის განცხადებით, ბრალდებულისთვის გამოძიების დასრულებამდე სამღვდელო ხარისხის და საღმრთო ზიარების შეჩერება მისაღებია.
რამიშვილის განმარტებით, მამალაძეს დაკავების შემდეგ არაოფიციალურად მღდელმსახურება ისედაც შეჩერებული ჰქონდა.
„მისთვის მისაღები იყო, ამას თუ ოფიციალური სახე მიეცემოდა. საეკლესიო კანონის თანახმად, ცდომილება მეუფე იაკობის თვითნებური გადაწყვეტილებაა, რომლითაც დეკანოზს ზიარება აუკრძალა. ეს დარღვევაა და ამაზე მეუფე დიმიტრიმ მეუფე იაკობი ამხილა. ეს მიუთითებს, რომ გარკვეული სასულიერო პირები საეკლესიო კანონმდებლობას იგნორირებას უკეთებენ“,- აღნიშნა ადვოკატმა.