„გიორგი მარგველაშვილი ჯერ თავის თავს ებრძვის, რადგან აქამდე ვერ გაერკვა იმაში, თუ ვინ არის”,- ამის შესახებ რეჟისორმა გოგა ხაინდრავამ განაცხადა.
მისივე თქმით, საქართველოში პრეზიდენტის ინსტიტუტი უნდა გაუქმდეს, ვინაიდან არცერთ პრეზიდენტს ქვეყნისთვის სიკეთე არ მოუტანია.
„გიორგი მარგველაშვილი ჯერ თავის თავს ებრძვის, რადგან აქამდე ვერ გაერკვა იმაში, თუ ვინ არის, რა მოვალეობა უნდა შეასრულოს და რა პოზიცია უჭირავს საერთოდ ქვეყანაში. მისმა მეუღლემ აფგან მუხტარლის საქმეზე საუბრისას საქვეყნოდ განაცხადა, რომ საქართველოს მთავრობა ალიევის ინტერესების გათვალისწინებით მოქმედებს. პრეზიდენტს ამაზე არანაირი რეაგირება არ მოუხდენია. ამის შემდეგ, სრულიად გაუგებარია, როგორ უნდა ჰქონდეს მას პრეზიდენტის სტატუსი. ის ასრულებს გიგა ბოკერიას და მისი თანამოაზრეების დავალებებს, რომ ოპოზიციური განწყობა გააძლიეროს ქვეყანაში. თავად აკრიტიკებდა პრეზიდენტის სასახლეს და მას გარყვნილების ბუდეს უწოდებდა, მაგრამ დასახლდა ამ სასახლეში და გააგრძელა ეს გარყვნილების ბუდე“ - განაცხადა ხაინდრავამ.