,,არჩევნების თარიღის დანიშვნამ სიცხადე შემოიტანა. კარგია, რომ ამ ყველაფერს დამატებითი დაპირისპირება არ მოჰყვეს პრემიერსა და პრეზიდენტს შორის და ეს თარიღი შეთანხმებული აქვთ ერთმანეთთან’’ - აცხადებს ,,ევროპული საქართველოს“ წევრი ირაკლი კიკნაველიძემ.
,,ევროპულმა საქართველომ საარჩევნო კამპანია რამდენიმე თვეა რაც დაიწყო. ჩვენ მოსახლეობას ვაცნობთ ჩვენ პროგრამულ პრიორიტეტებს. მაგალითად, 50 ლარიან პენსიის ზრდას თბილისში, სხვა რაიონებსა და რეგიონებში ბიუროკრატიული ხარჯების შემცირებით მიღებული ფულის მიწოდება პენსიონერებისთვის. ასევე, სოციალური უზრუნველყოფის პაკეტი, რომელიც 500 ლარამდეც კი იქნება. გარდა ამისა, ჩვენ ვატარებთ თემატურ პრეზენტაციებს თბილისის სხვადასხვა უბნებში,’’ - განაცხადა ირაკლი კიკნაველიძემ.
ადგილობრივი თვითმმართველობის არჩევნები ოქტომბრის მესამე კვირის ბოლოს ჩატარდება. ამის შესახებ პრეზიდენტმა განცხადება სპეციალურ ბრიფინგზე გააკეთა.
,,ამის თაობაზე ვიმუშავეთ და მოვილაპარაკეთ მთავრობასთან, თუმცა აქტი ამ არჩევნების დანიშვნის თაობაზე გამოიცემა 60 დღით ადრე, აგვისტოს ბოლოს“, - განაცხადა გიორგი მარგველაშვილმა.
