თურქეთთან ურთიერთობის აღდგენა მხოლოდ იმ შემთხვევაში იქნება შესაძლებელი, თუ ანკარა ციხეში მყოფ გერმანიის ყველა მოქალაქეს გაათავისუფლებს. ამის შესახებ გერმანიის საგარეო საქმეთა მინისტრმა ბერლინში გამართულ პრესკონფერენციაზე განაცხადა.
„არის სფეროები, სადაც თურქეთისთვის თანამშრომლობის შეთავაზება შეგვიძლია, მაგალითად, საბაჟო კავშირის მოდერნიზება. თუმცა ამისთვის ანკარამ მთავარი პირობა უნდა შეასრულოს და ციხეებიდან უნდა გაათავისუფლოს ყველა ის პირი, რომელსაც გერმანიის მოქალაქეობა აქვს. სხვა შემთხვევაში თურქეთთან თანამშრომლობის პერსპექტივას ვერ ვხედავ,“-აღნიშნა ზიგმარ გაბრიელმა.